Xa sabemos que a Medalla Fields é o equivalente ao Premio Nobel de Matemáticas. Agora imos botarlle unha ollada de perto.
No anverso da medalla está a cara de Arquímedes, co seu nome en grego (APXIMHDOYS). Arredor hai unha inscrición en latín, "Transire suum pectus mundoque potiri" que se pode traducir por: superar os límites da intelixencia para conquistar o Universo .
No reverso aparece o debuxo da esfera inscrita no cilindro recordando o resultado deArquímedes que establece que nesas condicións o volume da esfera é 2/3 do volume do cilindro, mentres que a área da esfera é 2/3 da área do cilindro. Sobre o debuxo hai outra frase en latín: "Congregati ex toto orbe mathematici ob scripta insignia tribuere"que significaría: matemáticos de todo o mundo reunidos renden tributo por obras notables.
O nome do premiado vai inscrito no canto.
Ningún comentario:
Publicar un comentario